香港跳繩運動員 - 晉升過程
- Alliance
- 2024年3月1日
- 讀畢需時 2 分鐘
喺香港呢個城市，有唔少熱愛跳繩嘅運動員透過不斷努力同訓練，逐步晉升同突破。唔單止係為自己努力，而佢地都希望國際舞台上代表香港去爭取最佳成績，為港爭光。今次我地介紹喺香港呢個城市，跳繩運動員係點樣跟據兩項大型本地賽事：全港分齡跳繩比賽 及 全港精英跳繩比賽，去成為香港代表隊。
全港分齡跳繩比賽
每年9-10月舉行，係個人賽同團體賽細分多個年齡組別，俾運動員同年紀相近嘅對手比併，可謂年青運動員汲取經驗嘅最好機會。
其中運動員若需要係個人賽中獲得總成績前三名，先有資格參加精英賽嘅個人賽。
近年亦特別增設計挑戰組，只供曾經勝出分齡賽嘅運動員同香港代表隊參加，令運動員有更多交流機會。
全港力精英跳繩比賽 (香港代表隊選拔賽)
每年12-1月舉行，香港跳繩運動最重要嘅一項賽事，集合全港最頂尖運動員一較高下。
係個人賽同團體賽總成績獲得前三名嘅運動員方可入選香港代表隊去出戰國際賽事。每年選拔一次，因此不論成功入選定落選，運動員都必需保持專注同狀態去應付呢個比賽。係香港呢個跳繩運動發展咁高水平嘅地方，精英賽嘅精彩程度絕不亞於任何一個國際賽事！
香港代表隊 - 亞洲/世界跳繩錦標賽
精英賽後，入選香港代表隊嘅運動員會係2-7月參與代表隊訓練，準備嚟緊7-8月舉行嘅亞洲/世界跳繩錦標賽，每年輪流由唔同嘅地區主辦。其中香港亦曾經係2014年及2019年舉行過世界及亞洲賽。
總括而言，運動員只需係精英賽取得前三名即可成為香港代表，但事實上係咪咁簡單？
運動員一年只有一次機會，落選後亦需保持狀態一年，而再面對一班出戰國際賽後更有經驗嘅對手。而入選嘅運動員亦要係完成國際賽後，未必可以有充分休息就要立即投入準備精英賽嘅訓練，雙方都有佢地各自要面對嘅挑戰。因此，即使今年你係世界賽上得到好成績，但亦有機會因鬆懈而係精英賽失利而喪失資格，所以運動員承受嘅壓力係十分之大架！ 能夠代表香港絕對係運動員嘅榮耀，除咗努力練習外，佢地都要有堅強嘅心態，應付接踵而來嘅難關。
留言