跳繩比賽 - 速度賽項目

係跳繩速度比賽中，運動員需要係限時入面做出該個項目嘅最多次數，簡單講 - 跳得多果個贏。以下介紹係國際跳繩聯合會(IJRU) 所制定嘅項目入面嘅比賽規則：

---

個人賽

30秒單車步

• 30秒內做出最多下數嘅單車步（左右腳都需過繩，唯只計算右腳過數之下數） ，運動員需要有足夠嘅爆 發力去提升速度，亦都要係高速下避免失手，對個人技術要求極高。 世界紀錄：113下

3分鐘單車步

• 3分鐘內做出最多下數嘅單車步，除咗速度外，考驗運動員嘅心肺耐力同肌耐力，最重要係要有堅強意志力，係3分鐘入面為自己不停打氣，突破極限。 世界紀錄：573.5下

三重跳耐力賽

• 無時間限制，運動員只需要不斷去完成三重跳，直至繩停低為止。運動員可要按自己需要控制快慢，只要堅持到底就可以取勝，所以呢個係唯一一個速度項目會多於3分鐘。呢個項目除咗體能、技能同鬥志外，運動員亦要保持冷靜，絕對不能夠失手。 世界紀錄：535下

---

團體賽

4x30秒單車步接力賽

• 4人一隊，4位運動員每人輪流完成30秒嘅單車步，反應要快外，4位運動員嘅先後次序亦都十分重要，教練需要跟據佢地嘅熱身，狀態同體能去安排。 世界紀錄：427下

2x30秒二重跳接力賽

• 2人一隊，2位運動員每人輪流完成30秒嘅二重跳，而並非平時常見嘅單車步。係個人賽同團體賽入面唯一一個二重跳項目，因此能夠被教練挑選負責呢個項目嘅運動員承受十分大嘅責任架。 世界紀錄：202下

4x30秒交互繩單車步接力賽

• 4人一隊，4位運動員輪流進入交互繩完成30秒嘅單車步，然後接繩再到下位運動員入繩，直至完成4次30秒。對4位運動員技術考驗十分高，需要係高速下控制繩，進行快速交接，運動員嘅經驗對呢個項目有巨大影響。 世界紀錄：450下

1分鐘交互繩單車步接力賽

• 3人一隊，不需進行交接，由一位運動員係中間完成60秒嘅單車步。運動員係交互繩入面跳單車步時要不斷留意繩嘅速度，兩位擺繩者亦要跟據跳繩者控制速度，距離同位置，將速度發揮到極限。 世界紀錄：244下

---

係速度賽入面，運動員將簡單嘅動作不斷重覆，發揮極限，只係為求多一下嘅成績，佢地嘅訓練係十分刻苦同煎熬

所以係比賽中大家都會見到教練會不斷激勵佢地嘅運動員，保持佢地嘅鬥志。觀眾亦會為佢地打氣，對佢地嘅付出致敬。

#JumpRope #RopeSkipping #跳繩 #花式跳繩 #ALLIANCE